• विराटनगर, २० वैशाख : प्रदेश १ मा सोमबार ६०७ जना कोरोना संक्रमित थपिएका छन् । एक हजार ३३० जनाको पीसीआर परीक्षण गरिएकोमा २७७ महिला र ३३० पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ ।

    सवैभन्दा धेरै मोरमा २८२ जनामा संक्रमण पुष्टि भएको छ । त्यसैगरी झापामा १५१, सुनसरीमा १०१, उदयपुरमा ११, धनकुटामा ८, इलाममा ७, संखुवासभामा ६, खोटाङमा ३, पाँचथर, ताप्लेजुङ, तेह्रथुम र भोजपुरमा १–१ र प्रदेश १ बाहिरका ३४ जनामा संक्रमण देखिएको मन्त्रालयले जनाएको छ ।

    विराटनगरमा ९७ महिला र १२९ पुरुष सहित २२६ जना संक्रमित भएका छन् । यो संख्या अहिलेसम्मकै उच्च हो ।

    मोरङकै सुन्दरहैचामा २०, जहदामा ७, बुढीगंगा र उर्लाबारीमा ५–५, कटहरीमा ४, पथरीशनिश्चरे र बेलबारीमा ३–३, लेटाङ, रंगेली र सुनबर्षीमा २–२, धनपालथान, ग्रामथान र स्थानीय तह नखुलेका १–१ जनामा संक्रमण देखिएको छ ।

    झापाको विर्तामोडमा ४०, दमकमा २८, भद्रपुरमा २४, अर्जुनधारा, मेचीनगर र गौरादहमा ११–११, कनकाईमा १०, कमल गाउँपालिकामा ६, शिवसताक्षी, बुद्धशान्ति, हल्दिबारी र बाह्रदशीमा २–२, गौरीगञ्ज र झापा गाउँपालिकामा १–१, सुनसरीको इटहरीमा ३७, धरानमा ३१, इनरुवामा १६, रामधुनी र बर्जुमा ४–४ जना नयाँ संक्रमित थपिएका हुन् ।

    त्यस्तै सुनसरीकै दुहवी र गढीमा ३–३, बराहक्षेत्रमा २ र हरिनगरमा १, उदयपुरको त्रियुगामा ४, चौदण्डीगढीमा ३, उदयपुरगढी र बेलकामा २–२, धनकुटाको धनकुटा नगरपालिकामा ५, छथर, शहिदभूमी र साघुरीगढीमा १, संखुवासभाको खाँदबारीमा ६, इलामको रोङमा ४, माई, इलाम र सन्दकपुरमा १–१, खोटाङको साकेलामा २, बराहपोखरीमा १, पाँचथरको फिदिममा १, ताप्लेजुङको फुङलिङमा १, तेह्रथुम र भोजपुरमा १–१, र प्रदेश १ बाहिरका ३४ जनामा संक्रमण देखिएको सामाजिक विकास मन्त्रालयले जनाएको छ ।

    प्रदेश १ मा कोरोना संक्रमितको संख्या ३३ हजार ९४१ पुगेको छ । संक्रमित भएका मध्ये ३० हजार ७९ जना संक्रमणमुक्त भएका छन् । सक्रिय संक्रमितको संख्या ३ हजार ३५७ पुगेको छ ।

     

सम्वन्धित समाचार

विराटनगर / कोशी अस्पतालको कोभिड–१९ उपचार केन्द्रमा भर्ना गरिएका एकजना कोरोना संक्रमित अस्पतालबाटै ह…

विराटनगर ।  प्रदेश १ मा मंगलबार ९०४ जना कोरोना भाइरसको संक्रमण पुष्टि भएको छ । एक हजार ८ सयको …

उर्लनबारी, २४ वैशाख/उर्लाबारीमा आज ११ जना कोरोना संक्रमित थपिएका छन् । प्रदेश १ सामाजिक विकाश मन्त्रालयका …

विराटनगर : जिल्ला प्रशासन कार्यालय मोरङले जेठ १ गतेसम्मका लागि जिल्लाभर निषेधाज्ञा जारी गरेको छ। कोरोना भ…