• उर्लावारी-३ मंगलबारेस्थित मदन भण्डारी अस्पताल तथा ट्रमा सेन्टरलाई केपी ओली सरकारले अक्सिजन प्लान्ट र एचडीयू बेड निर्माण गर्न अर्थ मन्त्रालयको १ करोड ५५ लाख रुपैयाँ दिने निर्णय गरेको छ । 


    शुक्रबार अर्थ मन्त्रालयले अस्पतालमा अक्सिजन प्लान्ट र एचडीयूको उक्त रकम दिने निर्णय गरेको हो । एचडीयूको ५ बेड बिस्तारका लागि ८० लाख र अक्सिजन प्लान्ट निर्माणका लागि रु ७५ लाख रुपैयाँ दिने निर्णय गरेको हो । 

    सरकारले यो अस्पताललाई कोरोना रोकथाम तथा नियन्त्रणका लागि भन्दै एचडीयू बेड र अक्सिजन प्लान्ट निर्माणका लागि यत्रो ठूलो रकम विनियोजन गरेको हो । यसरी केन्द्र सरकारले कोरोना रोकथाम तथा नियन्त्रणका लागि भनेर रकम विनियोजन गरेको उर्लावारीका लागि ठूलो बजेट हो ।

    पूर्वी मोरङको एक मात्र ठूलो सरकारी अस्पताल समेत रहेको यो अस्पतालमा प्रदेश सरकारले मोनिटरसहित विशेषज्ञ चिकित्सकको निगरानीमा आइसोलेशन वार्ड यसअघि नै निर्माण गरेर सञ्चालन गरिरहेको छ । 

    अस्पतालमा निर्माण गरिएको यो आइसोलेसनको विषयलाई लिएर विभिन्न किसिमका भ्रामक प्रचारबाजी समेत भएको थियो ।

सम्वन्धित समाचार

गर्मी मौसम छ। धेरै गर्मी भएपछि मानिसहरु बजारमा उपलब्ध विभिन्न चिसो पेय पदार्थहरु पिउँछन्। तर, ती पेय…

उर्लाबारी, यहाँस्थित ८ र ९ नम्बर वडामा दैनिक हातमुख जोर्नका लागि ज्याला मजदुरी गर्नेहरुको संख्या अधिक छ । …

बाँकेका अस्पतालमा भर्ना भएका थप पाँच सङ्क्रमितको उपचारको क्रममा मृत्यु भएको छ । मृत्यु हुनेमा बाँकेका द…

नर्भिक इन्टरनेशनल हस्पिटलले सस्तो दरको ‘पोष्ट कोभिड प्याकेज’ को घोषणा गरेको छ । पछिल्लो समय दो…