• मोरङ । मोरङको पथरी शनिश्चरे नगरपालिकामा कोरोना भाइरस संक्रमितको संख्या बढेर २०० पुगेको छ । 


    फागुन १६ गते (आइतबार)को विवरण अनुसार वडा नम्बर १ मा ५६, २ मा २७, ३ मा ११, ४ मा २५, ५ मा नौ, ६ मा १६, ७ मा २१, ८ मा आठ, ९ मा १४, १० नम्बर वडामा १३ जना गरी २०० विरामी रहेका छन । जसमध्ये ७६ जना निको भएका छन् । सक्रिय संक्रमित ११४ छन । त्यसमध्ये २२ जना बिभिन्न अस्पतालको आइसोलेसन र १७८ जन होम आइसोलेसनमा रहेको पथरी शनिश्चरे नगर अस्पतालले जनाएको छ । 


    कोरोना भाइरसको दोस्रो लहर सुरु भएपछि पथरीशनिश्चरे नगरपालिकामा १० जनाको मृत्यु भइसकेको छ । मृत्युहुनेमा १ नम्बर वडामा पाँच, ४ मा तीन, ८ मा एक र १० नम्बर वडामा एक जना रहेको छ । हालसम्म ४ सय ५९ जनाको पीसीआर परीक्षण भएको छ । 

    नगर अस्पतालमा विभिन्न संघ, संस्था तथा ब्यक्तिहरुले प्रदान गरेको १५ वटा अक्सिजन र तीन वटा कन्सुलेटर(अक्सिजन दिने मेशिन) गरी १८ जनालाई अक्सिजन दिन मिल्ने गरी १५ बेडको आइसुलेसन तयार रहेको छ । नगर अस्पतालको आइसोलेनमा ११ जना रहेको मध्ये ४ जना डिस्चार्ज भएको अस्पतालले जनाएको छ । 

    हप्ता दिन अघि १६० जना कोरोना संक्रमित र सात जनाको मृत्यु भएको नगरले जनाएको थियो । होम आइसोलेसनमा बसेका संक्रमित बिरामीहरु माक्ससमेत नलगाई बिभिन्न टोलहरुमा खुलेआम हिड्नुको साथै सावधानी नअपनाएको र निगरानी नपुगेको कारण भाइसर फैलिन सक्ने खतरा रहेको रामप्रसाद शिवाकोटीको भनाइ छ । 

    कतिपय गाउँमा को संक्रमित हो भन्ने थाहा नहुने, जनकारी भएका संक्रमित पनि होम आइसोलेसनमा दिकदार भएर बाहिर हिड्न थाल्दा भाइसर सर्नसक्ने खतरा भएको उनको भनाइ छ । होम आइसोलेसनमा रहेका संक्रमितहरुलाई सम्बन्धित निकायले नेगेटिम रिपोर्ट(भाइरस मुक्त) नभएसम्म कोठामै बस्न, बसाउन औपचारिक रुपमा (छिमेकीहरुलाई थाहा हुनेगरी) भन्नु र पहल गर्नुपर्ने शिवाकोटीको भनाई छ । 

सम्वन्धित समाचार

अस्पतालमा कोरोना सङ्क्रमण भएका बिरामी बढेका छन् । सघन उपचारकक्षमा रहेका तीन बिरामीका लागि उच्च गतिमा अक्सि…

दुबै मृगौला काम नलाग्ने भएका ४० बर्षिय सुमन बर्देबा(दर्जी)लाई आफ्नै बहिनीले अंग(मृगौला) दिन तयार भएपनि फ…

गर्मी मौसम छ। धेरै गर्मी भएपछि मानिसहरु बजारमा उपलब्ध विभिन्न चिसो पेय पदार्थहरु पिउँछन्। तर, ती पेय…

उर्लाबारी, यहाँस्थित ८ र ९ नम्बर वडामा दैनिक हातमुख जोर्नका लागि ज्याला मजदुरी गर्नेहरुको संख्या अधिक छ । …