• मोरङ । मोरङको पथरीशनिश्चरे स्थित पथरीमा आगन्तुक सहकारी संस्थाहरुको आकर्षण बन्दै गएको छ ।
    सुक्रबार(भदौ १८) पथरीमा फेरि झापा दमकको कञ्चनजंघा बहुउद्देश्यीय सककारी संस्था लिमिटेडको सेवा केन्द्र स्थापना भएको छ । 
    पथरी शनिश्चरे नगर उपप्रमख यमुना विष्ट वास्तोलाद्वारा उद्घाटन भएको कार्यक्रममा, सहकारी कर्मी विनादेवी राई लगायतले शुभकामना दिएका थिए । 
    उप्रमुख बास्तोलाले नगरको विकासका लागि सहकारी संस्थाको भूमिका महत्वपूर्ण भएपनि सहकारी सिद्धान्त र कानून अनुसार चल्नु पर्ने बताए । सहकारी संस्थाहरुले कानून बमोजिम गरे नगरेको छड्के परीक्षण समेत गरिने बिष्टको भनाइ थियो । 

    झापाको दमकमा मुख्य कार्यालय रहेको कञ्चनजंघा बहुउद्धेशीय सहकारी संस्थाको अध्यक्ष मणिकुमार भण्डारीको सभापतित्वमा उद्घाटन भएको थियो । 
    कञ्चनजंघाको ५ करोड ५६ लाख ९७ हजार ८ सय शेयर पुँजी रहेको सहकारीमा निक्षेपसहित ६८ करोड ६० लाख ३३ हजार पुँजि रहेको छ ।
    ०५६ सालमा स्थापना भएको सो सहकारीले गएको आर्थिक बर्षमा १ करोड ४० लाख ५२ हजार १३८ खुद नाफा गरेको संस्थाको बार्षिक प्रतिवेदनमा उल्लेख छ । 
    पथरीमा करिव ३ अर्ब पुँजी भएको झापा दमककै मेची बहुउद्देश्यीय सहकारी संस्था यस अघि नै पथरीमा आइसकेको छ । मेचीले संस्थाको २७ औं बार्षिक सधारण सभा भदौ पहिलो साता पथरीमा गरेको थियो ।  
    यसरी पथरीमा आगन्तुक सहकारी संस्थाहरु बढ्दै जाँदा पथरीको रैथाने सहकारीहरुलाई चुनौति थपिदै गएको छ । 
    पथरीशनिश्चरे नगरपालिकामा चार दर्जन बढी सहकारी संस्थाहरु रहेका छन । नगरका केही सहकारी संस्थाहरु सहकारी सिद्धान्त र नियम विपरित चल्दा बन्द हुने अवस्थामा पुगेका छन् । कतिपय सहकारी संस्थाले शेयर बिभाजन गरेपनि औपचारिक रुपमा बन्द नभएको र केही सहकारी झोलामा रहेको बुझिन्छ । 
    पर्याप्त अनुगमनको अभाव र नियम विपरित चलेका सहकारीहरुलाई कडाईका साथ कारबाही नहुँदा कतिपय सदस्यहरुको शेयर र निक्षेप नै डुब्ने अवस्थामा रहेको बुझिएको छ । 
    पथरीशनिश्चरे नगरमा रहेका नियमसंगत चलेका सहकारीहरुले ऋणमा १२÷१३ प्रतिशत ब्याल लिदै आएको छ भने बचतमा ५ देखि ७ प्रतिशत, बिशेष बचतमा १० प्रतिशतसम्म ब्याज दिदै आएका छन् । 
    यस्तो अवस्थामा अर्ब बढी पुँजी भएको सहकारीहरु पथरीमा आएर सदस्यहरुलाई सहज (छिटोछरितो) तरिकाले ऋण प्रदान गर्ने, सहुलियत ब्याजदरमा ऋण, बचतमा आकर्षक ब्याज दिने भएपछि रैथाने सहकारी संस्थाहरुलाई चुनौति थपिएको हो । 
    करिब एक बर्ष अघि पथरीमा सेवा केन्द्र खोलेका मेची सहकारी संस्थाले केही श्रीर्शकमा बार्षिक ८ प्रतिशतसम्म ब्याजदरमा ऋण दिने जनाएको छ । मेचीले सदस्यले सन्तान जन्माउदा, सन्तान बढेर विद्यार्थी, युवा, बृद्धाहुँदादेखि मृत्यु हँदासम्म परिवारको लागि  काषर्कण कार्यक्रम रहेको छ । मेची र कञ्चनजंघा झापा दमकदेखि नै प्रतिष्पर्धा गर्दै आएको सहकारी संस्थाहरु हुन् । 
    पछिल्लो समयमा कोरोना भाइरसको कारण सहकारी लगायतको बैंक वित्तिय संस्थाहरुमा अधिक तरलताको समस्या छ । पथरीको रैथाने सहकारी संस्थाहरुमा पनि तरलता बढीनै रहेको सहकारी कर्मीहरुले बताउदै आएका छन् । 
    यस्तो अवस्थामा अर्ब बढी पुँजी भएको दुई सहकारी सस्थाहरु पथरीशनिश्चरे नगरमा आएपछि रैथानेहरुलाई निक्के ठूलो चुनौति देखिन्छ । समय र परिस्थिति अनुसार चल्न नसके रैथाने सहकारीप्रति सदस्यको बिकर्षण हुनसक्ने खतरा देखिन्छ । 
    यस बिषयमा लर्डबुद्ध बचत तथा ऋण सहकारी संस्थाका ब्याबस्थापक गणेश बाछना राईले रैथाने सहकारीहरुले बचत तथा ऋणको ब्याजमा हेरफेर र चल्ने तरिका परिवर्तन गर्नुपर्ने अवस्था आएको बताए । नियम अनुसार चलेका सहकारीहरुलाई अगन्तुक सहकारीको खास समस्या नपार्ने राईको भनाइ छ । 
    सहुलियत ब्याजमा ऋण लगानी गर्ने र सदस्यको लागि जीवनको बिभिन्न चरणमा सहयोग गर्ने सहकारीहरुको आगमनहुनु, सहकारी वीच प्रतिष्पर्धा हुनु ऋणि सदस्यहरुको लागि खुशीकै कुरा हो । 
     

सम्वन्धित समाचार

उर्लाबारी /  अरु जस्तै हाम्रो मुलुक पनि कोरोनाको चपेटामा  परेको छ।  भविष्यमा आइपर्ने आर्थ…

कोरोना सङ्क्रमणलाई रोक्न स्थानीय प्रशासनले जारी गरेको निषेधाज्ञाका बीच म्याग्दीका लेकाली क्षेत्रहरुमा कामको म…

नेपाली एयरलाइन्सले स्वदेशमा नै उत्पादन भएको दूध तथा दुग्धजन्य पदार्थ नौनी, चीज, दहीलगायत उत्पादन उपयोग गर्न…

राष्ट्रिय प्रजातन्त्र पार्टी(राप्रपा)ले सर्वदलीय सहमतिका आधारमा चुनाव निष्पक्ष, स्वतन्त्र र भयरहित वातावरणमा सम्प…