मोरङ । मोरङको पथरीशनिश्चरे–१० मा भोली (बुधबार)बाट पिटबोर्ग च्यालेन्ज कप फुटबल प्रतियोगिता सुुरु हुँदैछ ।
थ्री रिभर्स एफ.सी. अमेरिकाको आयोजनामा पथरीशनिश्चरे रंगशालामा फुटबल प्रतियोगिता हुन लागेको हो ।
प्रतियोगिताको सम्पूर्ण तयारी पुरा भएको खेल संयोजक गणेश थक्लुङ लिम्बूले बताए । मैदान सफाई, स्टेज निर्माण लगायतको तयारी पुरा भएको छ । खेलाडी र दर्शकहरुको लागि मुख्य सडक दक्षिण रोडमा स्वागतद्वार निर्माण भएको छ ।
प्रतियोगितामा मोरङ, झापा र सुनसरीको नौ र भुटानी शरणार्थीको एक गरी १० टिम सहभागि हुने आयोजक समितिका सदस्य सुमन कुरुम्बाङ्ग लिम्बूले बताए ।
भोलीको उद्घाटन खेल झापाको शिवसताक्षी नगर र भाउन्ने बेलबारी मोरङवीच प्रतिष्पर्धा हुने बिक्की राईले बताए ।
प्रतियोगिताको प्रथम र दास्रो हुनेले फुटबल टिमले क्रमस एक लाख एक हजार र दोस्रोले ५१ हजार नगद ट्रफी, मेडल र प्रमाणपत्र प्रदान गरिने आयोजक समितिको संयोजक कगेण थक्लुङ लिम्बूले बताए ।
त्यसैगरी दैनिक रुपमा म्यान अफ द म्याच खेलाडीलाई २५ सय, बिधागत रुपमा बेष्ट गोल रक्षक, बेष्ठ डिफेन्डर, मिड फिल्डर, फर्वाड, हाइ स्कोररलाई क्रमस पाँच हजार र म्यान अफ द टुर्नामेन्टलाई नगद १० हजार र ट्रफी प्रदान गरिने आयोजक सदस्य बिक्की राईले बताए ।
पथरीशनिश्चरे नगर उपप्रमुख यमुना बिष्टको प्रमुख आतिथ्यमा हुने उद्घाटन कार्यक्रममा थ्री रिभर्स एफसीका अर्जुन बिष्ट, रुद्र रिमाल लगायतको उपस्थिति रहेने संयोजक गणेश थक्लुङ लिम्बूले बताए ।
