मोरङ । मोरङको पथरी शनिश्चरेमा भइरहेको पिट्सबर्ग च्यालेन्ज कप फुटबल प्रतियोगिताको आज(शनिबार) भएको खेलमा बेलबारी फुटबल क्लब बिजयी भएको छ ।
प्रतिभा यूवा समाज सुधार क्लब पथरीशनिश्चरेलाई १ –० गोल अन्तरले पराजित गर्दै बेलबारी दोस्रो चरणमा प्रवेश गरेको हो ।
बेलबारीको तर्फबाट कासिम राईले एक मात्र निर्णायक गोल गरेका थिए । खेलको मेन अफ द म्याच खेल बिजेता टिमका शंकर राई घोषित भए ।
भोली प्रतियोगिताको पहिलो दोस्रो चरणको खेल पथरी फुटबल क्लब र दमक फुटबल क्लब बिच हुने संयोजक गणेश थक्लुङ लिम्बूलेबताए ।
पथरीले यस अघिको खेलमा लेटाङ फुटबल क्लबलाई पराजित गरिसकेको छ भने दमक पहिलो खेल खेल्दैछ ।
थ्री रिभर्स एफसी अमेरिकाको आयोजनामा मोरङ पथरीशनिश्चरे–१० स्थित रंगशालामा भइरहेको खेलमा झापा, मोरङ र सुनसरीको १० टिम सहभागिता रहेका थिए ।
