• सिमकोट, २७ पुस

    पछिल्लो समय देशभर कोरोना भाइरसको संक्रमण बढ्न थालेसँगै हुम्ला प्रहरीले कोरोनाविरुद्ध सचेतना गराउने कार्यक्रम सुरु गरेको छ ।

    हुम्लाका प्रहरी नायव उपरीक्षक (डिएसपी) हेरम्भ शर्मा आफै माइकिङ गर्दै जनचेतना फैलाउने कार्यमा खटिएका छन् । प्रहरीले माइकिङ गर्दै कोरोनाबाट जोगिन सतर्कता अपनाउन आग्रह गरेको प्रहरी नायव उपरीक्षक शर्माले बताए ।

    जिल्लामा कोरोना संक्रमण भित्रिन नदिन र सबैलाई सचेत रहनका लागि जनचेतना फैलाउन आफूले टोल–टोलमा पुगेर माइकिङ गरेको हुम्ला जिल्लाका डिएसपी शर्माले बताए ।

    हुम्लामा कोरोनाका सक्रिय संक्रमित नरहेको हुँदा अब पनि जिल्लामा कोरोना फैलन नदिन प्रहरीले दैनिक रूपमा जनचेतना कार्यक्रम फैलाउनतर्फ लागेको शर्माले बताए ।

    प्रहरीले बाटोमा भेटिएका सर्वसाधारणलाई भौतिक दूरी कायम गर्न, मास्कको अनिवार्य प्रयोग गर्न र सरकारी कार्यालय जाँदा अनिवार्य खोप कार्ड बोक्न तथा कोरोनासँग मिल्दोजुल्दो लक्षण देखिए स्वास्थ्यकर्मीको सम्पर्कमा पुग्न आग्रह गरेको छ ।

    जिल्लाका नागरिकहरूलाई करोनाबाट सचेत गराउनको लागि यस्ता खाले कार्यक्रम सञ्चालन गराई राख्ने र  साबुन पानीले पटक–पटक हात धुन, बिना काम सार्वजनिक स्थलमा ननिस्कन र २५ जनाभन्दा बढी भेला नहुन प्रहरीले आग्रह गरेको छ ।

सम्वन्धित समाचार

बुद्ध जन्मस्थल लुम्बिनीमा लामो समयदेखि थन्केर बसेका विद्युतीय बस आजबाट सुचारु भएकाे छ । बिहीबार लुम्ब…

भक्तपुर, १३ असाेज डेंगुका कारण भएको रगत अभावलाई मध्यनजर गरी भक्तपुरमा रक्तदान कार्यक्रम गरिएको छ । …

काठमाडौं, १२ असोज । खाद्य व्यवस्था तथा व्यापार कम्पनी लिमिटेड बागमती प्रादेशिक कार्यालयले बुधबारबाट खसी, ब…

सुर्खेत, १२ असोज  सल्यानमा जीप दुर्घटना हुँदा आठ जनाको घटनास्थलमै मृत्यु भएको छ । राप्ती राजमार्ग अन्…