मोरङ । मंगोल नेशनल अर्गनाइजेशन मोरङको पथरीशनिश्चरे नगर समतिले आज ३४ औं स्थापना दिवस मनाउदैछ ।
पथरीशनिश्चरे ७ पुलचौक स्थित नगर समितिको कार्यलयमा भेला भएर शुभकामना आदानप्रदान गरेर स्थापना दिवस मनाउने तयारीमा रहेको छ ।
संगठन स्थापनाको ३४ औं स्थापना दिवस मनाउन १ नं. प्रान्तिय समितिको सदस्य सोम्बल तामाङ आउने कार्यक्रम रहेको एमएनओको नगर अध्यक्ष पुनम राईले बताए । संगठनको केन्द्र, प्रान्त, जिल्ला र नगरसमितिहरुले स्थापना दिवस मनाउने कार्यक्रम रहेको बताइएको छ ।
एमएनओ मंगोल नेशनल अर्गनाइजेशन र मंगोल नेशनल अर्गनाइजेशन डाक्टर गोपाल गुरुङ (डीजीजी) गरी दुई समूहमा बिभाजित रहेको छ । बुद्धलाल मेचेको नेतृत्वमा रहेको एमएनओ निर्वाचन लड्दै आएको छ भने वीरलाल राईको नेतृत्वमा रहेको एमएनओ (डीजीजी) चुनावमा सहभागी भएका छैनन् । दुवै समूले छुट्टछुट्ट स्थापना दिवस मनाउदै आएका छन् ।
