मोरङको उर्लाबारीमा जारी पाँचौ उर्लाबारी मेयरकप फूटबल प्रतियोगितामा आज फाल्गुन ३० गते हुने पहिलो सेमिफाइनल खेलमा उर्लाबारी वडा न ५ र ६ भिड्दैछन ।
उर्लाबारी वडा न ६ ले आफ्नो पहिलो खेलमा वडा न २ लाई १-० को गोल अन्तरले पराजित गर्दै सेमिफाइनलमा आफ्नो स्थान बनाएको थियो भने वडा न ५ ले वडा न ४ लाई २-० गोल अन्तरले पराजित गरेर सेमिफाइनलमा आफ्नो स्थान बनाएको थियो ।
उर्लाबारी ६ स्थित राधिका मा बि को खेल मैदानमा भैरहेको पाँचौ उर्लाबारी मेयरकप फूटबल प्रतियोगिताको दोश्रो सेमिफाइनल खेल भोलि चैत्र १ गते वडा न ३ र ९ बिच हुने छ । उर्लाबारी नगरपालिकाको मुख्य प्रायोजन र उर्लाबारी फूटबल क्लब को आयोजना भएको मेयर कप फूटबलको बिजेताले रु १ लाख र उपबिजेताले रु ५० हजार नगद सहित ट्रफी मेडल र प्रमाणपत्र पाउने छन ।
