प्रदिप धिमाल,उर्लाबारी
मोरङको उर्लाबारीमा जारी पाँचौ उर्लाबारी मेयरकप फूटबल प्रतियोगितामा आज चैत्र १ गते आज हुने दोश्रो सेमिफाइनल खेलमा उर्लाबारी वडा न ३ र ९ भिड्दैछन ।
उर्लाबारी वडा न ३ ले आफ्नो पहिलो खेलमा चौथो मेयर कपको बिजेता वडा न ८ लाई ट्राइबेकरमा ४-३ को गोल अन्तरले पराजित गर्दै सेमिफाइनलमा आफ्नो स्थान बनाएको थियो भने वडा न ९ ले पनि वडा न १ लाई सडनडेथमा ८-७ गोल अन्तरले पराजित गरेर सेमिफाइनलमा आफ्नो स्थान बनाएको थियो । उर्लाबारी ६ स्थित राधिका मा बि को खेल मैदानमा भैरहेको पाँचौ उर्लाबारी मेयरकप फूटबल प्रतियोगिताको पहिलो सेमिफाइनल खेल फाल्गुन ३० गते वडा न ५ र ६ बिच भएको थियो ।
उर्लाबारी वडा न ६ ले सडनडेथमा वडा न ५ लाई पराजित गर्दै पाँचौ उर्लाबारी मेयरकपको फाइनलमा स्थान बनाइसकेको छ । आज को बिजेताले चैत्र ३ गते हुने पाँचौ उर्लाबारी मेयरकपको फाइनलमा वडा न ६ सग प्रतिस्पर्धा गर्ने छ । उर्लाबारी नगरपालिकाको मुख्य प्रायोजन र उर्लाबारी फूटबल क्लब को आयोजना भएको मेयर कप फूटबलको बिजेताले रु १ लाख र उपबिजेताले रु ५० हजार नगद सहित ट्रफी मेडल र प्रमाणपत्र पाउने छन ।
