मोरङ । मोरङ पथरीशनिश्चरे—१ नंं. वडा कार्यालयले तीन जना छात्रालाई आज साइकल वितरण गरेको छ ।
छोरीबुहारी शिक्षा कार्यक्रम अन्तरर्गत सुनाखरी मावि कक्षा १० मा अध्ययनरत सुमित्रा गुरुङ, ९ मा अध्ययनरत गंगा राई र ५ कक्षामा पढदै आएका झर्ना राईलाई साइकल वितरण गरिएको हो ।
सुनाखरी माविको सभाहलमा बुधबार साइकल वितरण कार्यक्रमको आयोजना गरि छात्राहरुलाई प्रदान गरिएको हो ।
वडा अध्यक्ष भीमकुमार राईको प्रमुख आतिथ्यतामा भएको कार्यक्रममा नगर कार्यपालिका सदस्य वीरध्वज शिवा, शिक्षक अभिावक संघका अध्यक्ष उपेन्द्र मादेन लिम्बू, वडा सदस्यहरु बसन्ति गुरुङ, आरती बिक लगायतको उपस्थिति रहेको थियो ।
विद्यालय व्यवस्थापन समितिको अध्यक्ष प्रदिपकुमार राईको सभापतित्वमा भएको कार्यक्रममा प्रधानाध्यापक नरेन्द्र घिसिङले स्वागत गर्नुभएको थियो । कार्यक्रममा शिक्षिका भूमिका मगरले सञ्चालन गर्नुभएको थियो ।
