मोरङ । मोरङको पथरी शनिश्चरे नगरपालिकामा आयोजित अन्तर माध्यमिक विद्यालय स्तरीय छैटौं राष्ट्रपति रनिङशिल्ड खेलकुद प्रतियोगिता–२०८१ को भलिबल तर्फको खेलमा पञ्चायत मावि र एभरेष्ट बोर्डिङ स्कुलले गोल्ड मेडल हाता पारेको छ ।
आज.(माघ २५ं) गते भएको फाइनल खेलमा छात्र तर्फको खेलमा रेडस्टार बोर्डिङ स्कुललाई वेष्ट अफ फाइबमा पराजित गर्दै पञ्चायत माविले गोल्ड मेडल जितेको हो ।
फाइनलको पहिलो खेलमा २५—२१ रेडस्टार, दोस्रो २५—२० मा पञ्चायत, तेस्रो २५—२० ले रेडस्टार र २०—२५ ले पञ्चायतले जित्दै ४ खेलमा २ बराबर जित हाता पारेका थिए । वेष्ट अफ फाइपमा १५—१३ ले रेडस्टारलाई पराजित गर्दे पञ्चायतले गोल्ड मेडल जितेको हो । नगर स्तरीय खेलमा रेडस्टार बोर्डिङ स्कुल दोस्रो स्थान कायम गर्दै शिल्भर मेडल प्राप्त गरेको हो ।
महिला भलिबलमा एभरेष्टलाई गोल्ड मेडल
छैटौं राष्ट्रपति रनिङशिल्ड खेलकुद प्रतियोगिता–२०८१ को महिला तर्फको भलिबल खेलमा एभरेष्ट बोर्डिङ स्कुलले गोल्ड मेडल जितेको छ ।
वेष्ट आफ थ्रीको खेलमा भगिरथ माविलाई २५—१६ र २५—१५ को सोझो सेटमा पराजित गर्दै एभरेष्ट स्कुलले महिलातर्फको भलिबलमा गोल्ड मेडल जितेको हो । नगरस्तरीय खेलमा भगिरत मावि दोस्रोहुँदै महिला भलिबलमा शिल्भर मेडल प्राप्त गरेको हो ।
