विराटनगर,धनकुटा र संखुवासभा संयुक्त
राक संवाददाताहरु, जेठ २३
लाखौ मुल्यका काठ चोरी तथा तस्करी गरेको आरोपमा सशस्त्र प्रहरी अरुण गुल्म खादवारीका प्रमुख डिएसपी रामप्रसाद भण्डारीलाई ईटहरीस्थित बाहिनी (क्षेत्रिय कार्यलय) झिकाईएको छ । उनकै नेतृत्वमा संखुवासभाको वनवाट लामो समयदेखि काठ तस्करी भईरहको पाईएपछि उनलाई सोधपुछ र कारवाहीको लागी बाहीनी बोलाईएको हो ।
डिएसपी भण्डारीकै कमाण्डमा सोमवार राति चोरीको काठसहित संखुवासभावाट बेच्नका लागी ईटहरी लैजादै गरेको अवस्था नेपाल प्रहरीले रंगहात प्रक्राउ गरेको थियो । प्रक्राउ परे लगतै बाहिनीको अनुरोधमा गाडिसहित काठहरु अनुसन्धानका लागी सशस्त्रको धनकुटा स्थित छिडताड गुल्ममा बुझाईएको छ । काठ चोरी/तस्करीमा बा१झ १६६९ नंम्बरको सशस्त्र प्रहरीकै ट्रक प्रयोग भएको समते पाईएको छ ।
ठुला ठुला नेता र मन्त्रिसंग पहुच राख्ने डिएसपी भण्डारीले आफुलाई जोगाउनको लागी र्सोसर्फोस लगाईरहेको स्रोतको दावी छ ।
तर सशस्त्र पुर्व क्षेत्रिय बाहिनी प्रमुख डिआईजी मन्दिप श्रेष्ठ निष्पक्ष छानबिन र दोषीलाई कारवाही हुने जनाईसकेका छन् । डीआईजी श्रष्ठले सोर्सफोर्स लागउदैमा आफु प्रभावमा नपर्ने र दोषीलाई कारवाही गर्ने प्रतिबद्धता व्यक्त गरेका छन् ।
पक्राउ परेका काठ करिब १० लाख मुल्य बारबरको रहेको प्रहरीको भनाई छ । डीएसपी भण्डारी यो अभियोगवाट जोगीनका लागी उपभोक्ता समितिको प्रयोजनका लागी काठ ढुवानी गरिएको फर्जीकागज पत्र पेश गर्ने तयारी गरीरहेका छन् ।
उक्त बरामद भएको काठ विषयमा जिल्ला बन कार्यलयलाई भने कुनै जानकारी गराइएको छैन । कुनै पनि वनजन्य वस्तु निकास गरिनु पुर्व जिल्ला बन कार्यलयको स्वृकित लिनु आवश्यक पर्दछ ।
ट्रकसगै पक्राउ परेका सशस्त्र प्रहरीकै डाईभरले सोधपुछ क्रममा आफुले डिएसपी भण्डारीकै कमाण्डमा काठ ल्याएको र यस भन्दा अघि पनि धेरै पटक यसरी नै काठ निकासी गर्न हाकीमले अह्राउने गरको बताएका छन् ।
स्रोतको अनुसार डिएसपी भण्डारीले महिनाको १० पटकसम्म काठ तस्करी गर्ने गरको जस बापात मासीक ५० लाखसम्म डिएसपीलाई फाईदा हुने गरेको बताएको छ ।
related news :
