०९ मङ्सिर "शनिवार" २०७४
धर्तीका बोझ भएकाहरुको नजरमा इज्जत,प्रतिष्ठा र विवेकहिनहरुको नजरमा लुट,ठगी र शोषण पेशा हुनेहरुको दृष्टिमा
म पागल नै हुँ
गरिब र निमुखाहरुको विरुद्द बोल्नेको नजरमा
सोझा सादा र दु:खी गरिबको खुन चुस्नेको हेराइमा
बेइमान र हरामखोरहरुको सोचाइमा
म पागल नै हुं
विचार पत्रु भएर आदर्श खरानी हुनेहरुको बुझाइमा
आमा /दिदिबहिनी र चेलीबेटी नचिन्ने पशुहरुको आखामा
प्रतिशोध र हेपाहा कर्म गर्ने कपुतको विचारमा
म पागल नै हुं
जलन ,ईर्ष्या र छुसी /जासुसीको बुझाइमा धन,शक्ति,अफबाह र मुढेबलको आत्मामा खुनी,रक्तपिपासु र झोलेको नकारात्मक अनुहारमा
म पागल नै हुँ
मलाई पागल भनेर चरित्र हत्या गर्ने चाहिँ मेरो नजरमा
धर्तिभार एउटा उडुस हो मेरो बुझाइमा मजदुर,पिडित र दुखीहरुको मुटुमा
म सिर्फ एउटा कलम हुं
तर चरित्र पतन भएका मानव खोलहरुको मस्तिष्कमा
म मात्रै पागल हुं
म सिर्फ पागल हुँ
- ०९ मङ्सिर "शनिवार" २०७४ भोटेचौर,सिन्धुपाल्चोकबाट
