मंसिर २१ गते, २०७४ अर्घाखाँची ।
अर्घाखाँचीको सन्धीखर्क नगरपालिका ५ को मथुरा मावि मतदान केन्द्र (ख) मा मतदान स्थगित भएको छ ।
मतदानअधिकृतले हस्ताक्षर नै नगरेको मतपत्र दिएको भन्दै नेपाली कांग्रेस कार्यकर्ताले मतपत्र च्यातेपछि मतदान स्थगित भएको हो । मतदान अधिकृत सुरेन्द्रराज अधिकारीले हस्ताक्षर नै नगरेको मतपत्र दिएपछि कांग्रेस कार्यकर्ताहरुले मतपेटिका फाल्ने, मतपत्र च्यातेर जलाएका छन् । करिब ८ सय मत खसिसकेपछि कांग्रेस कार्यकर्ताहरुले मतपत्र च्यातेका हुन्।
मतदान अधिकृत अधिकारीले हस्ताक्षर गरेको मतपत्र र नगरेको मतपत्र छुट्टाछुट्टै राखिएकोमा झुक्किएर हस्ताक्षर नगरेको मतपत्र वितरण भएको खबरडबलीलाई बताए।
