पोखरा । मंगलबारदेखि शुरु मोफसल कै लोकप्रिय र पुरानो मध्ये एक आहा ! रारा गोल्डकपको १६ औं संस्करणमा आयोजक सहारा क्लब उदघाटन खेलमै पराजित हुन पुगेको छ । उदघाटन खेलमा सुदुरपश्चिम–११ सँग ३–० ले पराजित हुँदै आयोजक टोली प्रतियोगिताबाटै बाहिरिएको हो ।
सुदुरपश्चिमको जितमा धनकुमार थापा, मनिराम चौधरी र राकेश हमालले एक–एक गोल गरे । खेलमा सुदुरपश्चिमका मनिराम चौधरी म्यान अफ द म्याच समेत घोषित भए । जित हात पारेको सुदुरपश्चिम भने क्वाटरफाइनलमा प्रवेश गरेको छ ।
सहारा क्लब, पोखराको आयोजनामा शुरु प्रतियोगितामा कुल १२ टोलीहरुको सहभागिता रहेको छ । हिमश्री फुड्स प्रा.लि. को मुख्य प्रायोजन रहेको प्रतियोगिताको बिजेताले उपाधिसहित नगद ७ लाख हात पार्नेछ ।
