उर्लाबारी, १३ माघ । मोरङको उर्लाबारीमा जारी प्रथम मेयर कप फुटवल प्रतियोगिताको उपाधि भिडन्त आज हुँदैछ । उर्लाबारी – ३ स्थित चाईनिज क्याम्प खेल मैदानमा दिउँसो ३ बजेपछी सुरु हुने फाईनल भिडन्तमा डिफेण्डिङ च्याम्पियन वडा नम्बर ५ र ७ भिड्ने भएका छन् ।
वडा नम्बर ५ वडा नम्बर ६ लाई तथा वडा नम्बर ७ वडा नम्बर ९ लाई सेमिफाईनलमा हराउँदै फाईनलमा पुगेका हुन् ।
बलियो मानिएको वडा नम्बर ५ लाई रोक्दै वडा नम्बर ७ पहिलो पटक उपाधि चुम्न चाहन्छ भने वडा नम्बर ५ लगातार उपाधि उचाल्ने प्रयासमा रहनेछ । प्रतियोगिता उर्लाबारी फुटवल क्लबको आयोजना तथा उर्लाबारी नगरपालिकाको मुख्य सहयोग र नगर खेलकुद विकाश समितिको प्राविधिक सहयोगमा भएको हो । प्रतियोगिताको उपाधि विजेताले ७५ हजार तथा उपविजेताले ५० हजार नगदसहित ट्रफि, मेडल र प्रमाणपत्र प्राप्त गर्ने आयोजक क्लबका सचिव भिष्म बुढाथोकीले जानकारी दिनुभयो ।
