पथरी माघ २२ गते ।
मोरङको पथरीशनिश्चरेमा स्थापित उद्योग वाणिज्य संघ पथरीको चुनावी साधारणभासमा अध्यक्ष पदका लागि दीपक बस्नेतले उम्मेदवारी घोषणा गरेका छन् । सोमबार पथरीशनिश्चरे–१ मा पत्रकार सम्मेलनको आयोजना गरी हार्डवेयर व्यवसायी बस्नेतले अध्यक्ष पदमा आफ्नो उम्मेद्वारी घोषणा गरेका हुन् ।
पत्रकार सम्मलेनमा पथरीशनिश्चरे क्षेत्रको व्यापारीहरुको हकहितको लागि आफू निरन्तर लागिपर्ने र भावी दिनमा व्यापार संघले गर्ने कार्यहरु प्रति दृढताका साथ काम गर्ने बस्नेतले प्रतिवद्धता जाहेर गरे । पथरी उद्योग वाणिज्य संघमा रही बस्नेतले दुई कार्यकाल सदस्य पदमा रही व्यापारीको हितका लागि आफ्नो कार्य देखाइसकेको बताए । उद्योग वाणिज्य संघ पथरीको चुनावी साधारणसभा यही माघ २८ र २९ गते हुदैछ । यसअघि पूर्व अध्यक्ष धनकुमार तामाङले पनि आफु पुनः अध्यक्ष पदमा उठ्ने पत्रकार सम्मेलन मार्फत जानकारी गराईसकेका छन् । चुनाबमा बस्नेत र तामाङको अध्यक्ष पदमा कडा स्पर्धा हुने देखिएको छ ।
