अर्जुन जम्नेली राई
मोरङ । पीसीआर टेष्टको लागि पछिल्लो पटक पठाएको ८० जनाकै रिपोर्ट नेगेटिभ आएपछि
मोरङको पथरी शनिश्चरे नगरमा खुशियाली छाएको छ ।
पथरीमा बसोबास गर्ने २३ बर्षिय मजदुरमा कोरोना पोजेटिभ देखिएपछि ‘कन्ट्रयाक ट्रेसिङ’ का आधारमा भाद्र ६ गते पीसीआर टेष्टको लागि ८० जनाको स्वाब पठाइएको थियो ।
जसमध्ये हिजो ७६ जनाको रिपोर्ट नेगेटिभ आएको र चार जनाको पुन परीक्षण गरिएको नगरपालिकाले जनाएको थियो । केहिबेर अघि चार जनाको पनि नेगेटिभ रिपोर्ट आएको नगरपालिका सन्चार संयोजक भुपेन्द्र तिम्सिनाले जानकारी दिए ।
बाँकी चार जनाको पनि रिपोर्ट नेगेटिभ आएपछी भने पथरीशनिश्चरे नगरमा खुसियाली छाएको छ । समुदाय स्तरमा भाइरस नफैलिएको भएपनि घरैमा बसेर सबधानी भने अपनाउनु पर्ने देखिन्छ ।
