अर्जुन जम्नेली राई
मोरङ । मोरङको पथरीशनिश्चरेमा जारी टेन्सवर्ग पथरी शनिश्चरे प्रिमियर लिग फुटबल प्रतियोगिताको आज भएको खेलमा वाइजीएफटी र द रियाल ब्रोदर्श फुटबल क्लबले एक बराबरी खेल्दै अंक बाँडेको छ ।
लिगको पहिलो चरणको अन्तिम खेल सुरु भएको १२ औं मिनेटमा द रियल ब्रोदर्श क्लबका खेलाडि सुजन खत्रिले गोल गर्दै आफ्नो टिमलाई अग्रता दिलाएका थिए ।
दोस्रो हापको ८१ औं मिनेटमा पाएको प्यानल्टी सुटआउटको सदुपयोग गर्दै वाइजीएफटीका निमोन लिम्बूले गोल गरेपछि खेल बराबरीमा सकिएको थियो । दुबै टिमले १—१ अंक पाएका छन् । खेलको म्यान अफ दि म्याच वाइजीएफटीका खेलाडि संजय लिम्बू घोषित भए ।
भोलि सोमबारदेखि दोस्रो चरणको लेख हुने छ । दोस्रो चरणको पहिलो खेल हेरिका न्युस्टार र हिमाअस हाइवे फुटबल क्लवीच हुने आयोजक समितिको सचिव मनि लिम्बूले बताए ।
१) आइतबारको खेलमा केहीबेर तनाव
आइतबारको खेलमा बिपक्षी वाइजीएफटी प्यानल्टी सुटआउटमा गोल गरेपछि द रियाल ब्रोदर्श फुटबल क्लबको कोच आक्रोसित भएका थिए । आयोजकले सम्झाउने क्रममा केहीबेर तनाव उत्पन्न भएको थियो । तनाव नहोस भन्ने उदेश्यले भोलिदेखि प्लेयर्स बक्समा खेलाडि र कोच बाहेक कोही नराख्ने निर्णय भएको आयोजक समितिको संयोजक संजिव गिरीले बताए । क्लवसँग सम्बन्धीत ब्यक्तिहरु अराजक भए कारबाही गरिने पनि बताइएको छ ।
२) कस्ले कति अंक पाए
पहिलो चरणको खेल सकिदा दुई वटा टिमले ३—३, चार वटाले १—१ र दुई वटा टिमले ० अंक प्राप्त गरेका छन् ।
सिरिजङ्गा र टेन नवोदयले ३–३, हिमाअस, शिखर, द रियल ब्रोदर्श र वाइजीएफटी फुटबल क्लबले १—१ प्राप्त गरेका छन् । हेरिका न्युस्टार र देविगञ्ज फुटबल क्लवको भने ० अंक रहेको छ ।
