काठमाडौं । साइप्रसको एक कम्पनीले नेपाली कामदारको माग गरेको छ । लार्नाका शहरमा रहेको अर्थोडक्सौ इमप्लोमेन्ट ब्यूरो कम्पनीले नेपाली पुरुष र महिला गरी २० जना कामदारको माग गरेको हो ।
कम्पनीले एग्रिकल्चरल, वर्कर र लेबरका लागि ५ जना परुष र १० जना महिला डेमस्ट्रीक वर्करका लागि ५ जना महिला कामदारको माग गरेको हो।
२ वर्षे करार अवधि रहेको सो कामको योग्यतामा सम्बन्धित दक्ष हुनु पर्ने कम्पनीले जनाएको छ । कामदारले हप्तामा ६ दिन र दैनिक ८ घण्टा काम गर्नु पर्ने र तलब खान बस्न सहित ४३ हजार देखि ६२ हजार पाउने विज्ञापनमा उल्लेख छ ।
जान चाहने इच्छुक कामदारले रोयल इनटरनेशनल ओभरसिज प्रालि सामाखुसी काठमाडौंमा चैत्र ११ गते अन्तरवार्ता दिनु पर्ने छ ।
कम्पनीले स्वदेशमा हुने मेडिकलको खर्च, स्वदेशमा हुने बिमा खर्च र भिसा स्ट्याम्पीङ शुल्क कामदार आफैले बेहोर्नु पर्ने विज्ञापनमा जनाएको छ ।
