प्रदेश नं १ का मुख्यमन्त्री शेरधन राईले आम नागरिकको स्वास्थ्यप्रति गम्भीर रही निःशुल्क कोरोना खोपको व्यवस्था गर्ने बताउनुभएको छ ।
मुख्यमन्त्री राईले करुणा फाउण्डेशन नेपालकाका वरिष्ठ व्यवस्थापक कमल कोइरालाद्वारा आज यहाँ ३० थान अक्सिजन कन्सनट्रेटरको पत्र बुझ्दै सो जानकारी दिनुभएको हो ।
उहाँले प्रदेश सरकारले जनताको स्वास्थ्यप्रति उत्तरदायी रही कोभिड–१९ खोपको सुनिश्चिताको लागि आगामी नीति तथा कार्यक्रम र बजेटमा मुख्य प्राथमिकतामा राख्ने उल्लेख गर्नुभयो ।
मुख्यमन्त्री राईले महामारीलाई पराजीत गर्न फाण्डेशनको प्राप्त अक्सिजन कन्सनट्रेटरका सहयोगको प्रशंसा गर्नु पर्ने हुँदै कोभीड नियन्त्रणका लागि सबैको साथ र सहयोग आवश्यक रहेकामा
जोड दिनुभयो ।
सो अवसरमा फाण्डेशनका वरिष्ठ व्यवस्थापक कोइरालाले आगामी दिन थप सहयोग गर्ने प्रतिवद्धता व्यक्त गर्नुभयो ।
सो अवसरमा प्रतिथान रु एक लाख २५ हजार मूल्यबरावरको १० लिटर क्षमताको ३० थान अक्सिजन कन्सनट्रयाटर उपलब्ध गराइएको थियो ।
फाउण्डेशनले गत वर्ष पनि रु एक करोड २५ लाख मूल्यबराबरको स्वास्थ्य सामग्री उपलव्ध गराएको थियो ।
