मोरङ । वनबाट चोरी गरेर ल्याएको काठ किन्ने मोरङको पथरीशनिश्चरे—७ का समिल सञ्चालक कृष्णकुमार कोइराला ३ लाख धरौटीमा छुटेका छन् ।
कोइराला जंगलबाट चोरी गरेर ल्याएको काठ किनेको आरोपमा भदौ १५ सब डिभिजन वन कार्यालय पथरीले पक्रेको थियो ।
काठ चोरी गरेर बिक्री गर्न लगेको आरोपमा पथरीशनिश्चरे—१० का ३१ बर्षिय हेमकुमार माझीलाई पनि असोज ४ गते पक्राउ परेका थिए । जिल्ला अदालत मोरङले कोइरालालाई तीन र माझीलाई एक लाख धरौटी लिएर छाडेको डिभिजन वन कार्यालय पथरीका प्रमुख सुरेन्द्रकुमार कार्कीले बताए ।
कोइरालाको समिल नगरको ७ नम्बर वडाको बिष्णु चोकमा भएपनि घर भने १० ऐयाबारी नै हुन् । सोही मुद्धामा परेका जुठे भनेर चिनिने महेन्द्र खवास भने परार भएको बुझिएको छ ।
कोइरालाको समिलबाट ५२.१९ क्युफिट सखुवाको १२३ थान र २ क्युफिट गोलिया एक थान काठ बरामद भएको डिभिजन वन कार्यालय पथरीका प्रमुख सुरेन्द्रकुमार कार्कीले जानकारी दिए । माझी र खवासले पशुपति सामुदायिक वन समूहको क्षेत्रबाट काठ चोरी गरेर त्यहाँ बिक्री गरेको बुझिएको छ । पछिल्लो समयमा बिभिन्न सामुदायिक तथा राष्ट्रिय वनबाट काठ चोरी तस्कारी बढेको बुझिएको छ ।
