उर्लाबारी, ११जेठ
नेपाली कांग्रेसका प्रदेश सह-महामन्त्री, महासमिति सदस्य, उर्लाबारी नगरप्रमुख लगायतका नेताहरु रहेको वडामा यसपटकको स्थानीय तह निर्वाचनमा अध्यक्ष पद एमालेले हात पारेको ।
उर्लाबारीमा कांग्रेसका हस्तिहरु रहेको ५ नं. वडामा एमालेका रबिन लामाले अध्यक्ष पद जितेका छन् । उनले कांग्रेसका वडा सभापति समेत रहेका तुलबहादुर थापालाई पराजित गरेका छन् । तर, ४ जना सदस्यहरु भने कांग्रेसले जितेको छ । विगतमा उक्त वडामा कांग्रेसका भानुभक्त पराजुलीले अध्यक्ष रहेका थिए ।
त्यसो त नगरपालिकाको नगर प्रमुखका उम्मेद्वार रहेका कांग्रेसका सह-महामन्त्री खड्ग फागो एमालेका गंगा खरेलसँग पराजित हुनुपरेको छ । फागो निवर्तमान नगरप्रमुख समेत हुन् ।
