नेपाली गजल गायनको इतिहासमा पहिलो पटक आठ गजलकारहरु द्धारा लिखित गजल “तिमिलाई हेर्दा हेर्दै” सार्वजनिक भएको छ ।
आफ्नो कार्यको शिलशिलामा देश बाहिर रहेर पनि नेपाली साहित्य र संगीतको क्षेत्रमा क्रियाशिल व्यक्तिहरुको अन्तराष्ट्रिय संस्था गलज यात्राले सो गजल आफ्नो युटुब च्यानल मार्फत सार्वजनिक गरेको हो ।
“तिमिलाई हेर्दा हेर्दै” गजलमा गजलकार आनन्द श्रेष्ठको मतलामा रहेर अन्य गलजकारहरु पवन लामिछाने, कृष्ण कुसुम, रोहित राना, गोवर्धन पुजा, डिल्ली चम्लागाईँ, बाषुपुष्पा अधिकारी र शतीष त्रिपाठीले शब्द निर्माण गरेका छन् ।
उत्त गजलमा अमेरिका रहेर नेपाली गित संगीतको क्षेत्रमा कार्य गर्दै आइरहेका गायक तथा संगीतकार केशव पौडेलको स्वर र संगीत रहेको छ भने जुगल डंगोलले एरेन्ज गरेका छ्न ।
अहिलेसम्म यसरी धेरै जना गजलकारले लेखेको र गाइएको गजल गीत नभएको दाबी गर्दै गजल यात्रा परिवारले यो गजल गीत एउटा इतिहास बन्ने विश्वास व्यक्त गरेको छ ।
भिडियो लिङ्क
