रातोकलम/ संयुक्त राष्ट्रसंघको सुरक्षा परिषदले अण्डर वर्ल्ड कुख्यात डन इब्राहिम कस्कर पाकिस्तानमा लुकेर बसिरहेको जनाएको छ।
दाउद इब्राहिम भारतीय नागरिक हुन्। सन् १९९३ मा भएको मुम्बई बम आक्रमणका मास्टर माईण्ड (मुख्य योजनाकार) भएको भन्दै उनलाई ईन्टरपोलको रेड कर्नर सूचीमा राखिएको छ। उनी बिरुद्ध म्याच फिक्सिङ लगायत अरु थुप्रै जघन्य अपराधका मुद्धाहरु समेत छन्।
पाकिस्तानी भूमीमा बसेर आफ्ना अपराधिक गतिविधी संचालन गरिरहेका १ सय ९३ ब्यक्ती तथा समूहहरुको सूची सार्वजनिक गर्दै राष्ट्रसंघीय सुरक्षा परिषदले दाउद पाकिस्तानमा लुकेर बसिरहेको दाबी गरेको हो।
सुचीमा जनाईए अनुसार, दाउदले पाकिस्तानको कराँची र रावलपिण्डीबाट धेरैवटा पासपोर्ट लिएका छन्। कराँचीको नूराबादमा दाउदको आलिसान बंगला रहेको पनि सो परिषदले जनाएको छ।
उमेरले ६२ बर्षीय अण्डरवर्ल्ड डन दाउदको बेलायत, भारत, युएई, स्पेन, मरोक्को, टर्की, साईप्रस, र अस्ट्रेलियामा अथाह अवैध सम्पत्ती रहेको अन्तराष्टृय समाचार माध्यमहरुले समाचारमा उल्लेख गरेका छन्।
