बीबीसी। कालो हरिण शिकार गरेको अभियोगमा जोधपुर अदालतले बलिउड अभिनेता सलमान खानलाई पाँच वर्षको जेल सजाय सुनाएको छ। अदालतको यो फैसलापछि कतै खुशीयाली मनाइएको छ भने कतै दुख व्यक्त गरिएकोछ। राजस्थानको बिश्नोई समाजले सलमानलाई जेल सजाय सुनाएपछि डुबेका छन्।
तर यो विषयमा पाकिस्तानी विदेशमन्त्री ख्वाजा मोहम्मद आसिफको अभिव्यक्तिले भने विवाद पैदा गरेको छ। पाकिस्तानी समाचार च्यानल जिओ न्युजलाई दिएको एक अन्तर्वातामा विदेश मन्त्री आसिफले सलमान खान अल्पसंख्यक समुदायका भएका कारण उनलाई सजाय दिएको बताएका छन्।
उनले यदि सलमानको धर्म भारतीय सत्तारुढ पार्टीको जस्तै भएकोभए सलमानलाई सजाय दिइँदैन थियो भन्दै सलमान मुस्लिम समुदायका भएकै कारण उनलाई सजाय दिइएको टिप्पणी गरे।
सलमान खानलाई १९९८ मा कालो हरिण शिकार गरेको अभियोगमा २० वर्षपछि सजाय सुनाइएको छ। बिश्नोई समाजले सलमानलाई सजाय सुनाएपछि खुशीयाली मनाएका छन्। तर, यसै अभियोगमा अभिनेता सैफ अली खान, तब्बू, नीलम र सोनाली बेन्द्रेलाई भने सफाइ दिइएको विषयमा भने आपत्ति जनाएको छ।
अदालतको उक्त फैशलाप्रति बलिउड फिल्म उद्योगमा निराशा छाएको छ। फिल्म अभिनेत्री एवं राज्यसभा सांसद जया बच्चनले अदालतको फैसलाले आफू निरासमा डुबेको बताएकी छन्।
उनले भनिन्, ‘म यति भन्न सक्छु, मलाइ निकै नरमाइलो लागेको छ। किनभने फिल्म उद्योगले धेरै लगानी गरेको छ। उनीहरुलाई अब घाटा हुन्छ। २० वर्षपछि अदालतलाई सलमान दोषी भएको लाग्यो। तर, यो कानुन हो यसमा के भन्न सकिन्छ र?’
