काठमाडौं, २३ चैत । प्रधानमन्त्री, राष्ट्रपति, मन्त्रीका बारेमा आठ पासे, दश पासे भनेर खिसिट्यूरी गर्नेहरुको मुख भारतले बन्द गरिदिने भएको छ ।
प्रधानमन्त्री केपी ओली आज भारत गएका छन् र पर्सी नेपाल आउँदा डाक्टर ओली बनेर आउनेछन् । अब कसैले नेपालका प्रधानमन्त्रीलाई दस पासे भन्न सक्नेछैन ।
यो हो नि कुरो । कसो भारत महाराज ? जेएनयुका तर्फबाट धेरै डाक्टर छन् नेपालमा । ओलीलाई गोविन्द बल्लभ पन्त कृषि एवम् प्रौद्ययोगिक विश्वविद्यालयले पीएचडी उपाधि दिने तारतम्य मिलाइएको छ । २०७४ चैत २५ गतेदेखि प्रम ओली डाक्टर ओली बन्नेछन् ।
संसदमा त्यो विश्वविद्यालयको चर्चा गरेका थिए ओलीले । नेपालमा कृषि क्रान्ति गर्न सकिने ज्ञान त्यो विश्वविद्यालयबाट लिन सकिने पनि बताए । डाक्टरको उपाधि लिने कुरा भनेका थिएनन्, आजै यो कुरोको पोल खुलेको छ ।
भारत भ्रमण सफल होस् प्रधानमन्त्रीजी ।
फर्कदा डाक्टर ओली हुनु हुनेछ, बधाई छ ।
न्यूज अभियानबाट लिइएको हो ।
