देबु बानियाँ
काठमाडौँ । नेपाल जेसीजका राष्ट्रिय अध्यक्ष जेसीआइ सिनेटर श्रीधर बस्याल एरिया ‘डी’ अन्तरगतका शाखाहरुको एक साता भ्रमणका लागि सोमवार मध्यपश्चिम र सुदुर पश्चिमतर्फ प्रस्थान गर्नु भएको छ ।
मध्य पश्चिम र सुदुर पश्चिमका जेसीज शाखाको संस्थागत विकास तथा जेसीज युवाहरुको उत्प्रेरणा दिनका लागि उहाँ भ्रमणमा निस्कनु भएको हो ।
उहाँले एक साताको भ्रमणमा प्रदेश नम्बर ५, ६ र ७ अन्तरगत रहेका करिब १५ वटा शाखाको भ्रमण गर्ने कार्यक्रम तय भएको नेपाल जेसीजको सचिवालयले रातो कलमलाई बताए ।
भ्रमणका क्रममा उहाँले वर्ष २०१८ लाई नेपाल जेसीजले तय गरेको उदाउदो जिम्मेवारीका साथ हामी चम्कने अभियानलाई सार्थक बनाउनका लागि विभिन्न प्रशिक्षणको दिनुहुने छ । साथै उहाँले युवाहरुलाई जेसीजको माध्यमबाट व्यक्तित्व र नेतृत्व विकाससँगै युवा नागरिक निर्माण अभियानमा लाग्न उत्प्रेरित गर्नका लागि समेत प्रशिक्षण दिनु हुनेछ ।
एक सातामा राष्ट्रिय अध्यक्ष बस्यालले त्यहाँ रहेका जेसीजका सदस्यहरुलाई बलियो बनाउन, स्थानीय शाखाको विकासका लागि सदस्यहरुलाई उत्प्रेरणा दिन, जेसीज प्रति युवाहरुको आकर्षण बढाउन, सामाजिक र मानवीय क्षेत्रमा जेसीजको कर्तव्य र अधिकारका बारेमा जानकारी गराउनेलगायत रहेको छ जेसीज सचिवालयले जनाएको छ ।
गत पुसमा भैरहवामा सम्पन्न ४४ औँ महाधिवेशनबाट राष्ट्रिय अध्यक्षको जिम्मेवारी लिनु भएका सिनेटर बस्यालले देशभरका शाखालाई अझ क्रियाशील र उत्प्रेरणा जगाउन विभिन्न कार्यक्रमहरु गर्दै आउनु भएको छ । एक साता अघि मात्र चितवनको सौराहमा देशभरका शाखा अध्यक्षहरुको काउन्सिलर एकाडेमी सम्पन्न भएको थियो । वर्ष २०१८ लाई नेपाल जेसीजले सुनौलो वर्षका रुपमा स्थापित गर्ने योजना बनाएको छ । भ्रमणको टोलीमा राष्ट्रिय उपाध्यक्ष टेकराज रेग्मी समेत सहभागि रहेका छन् ।
