मेचीनगर । झापामा रगत अभाव भइरहेको अवस्थामा मेचीनगरमा रक्तदान कार्यक्रमको आयोजना गरिएको छ ।
सचेतना समूह मेचीनगरको आयोजनामा एभरेष्ट बोडिङ स्कुल मेचीनगर ८ इटाभट्टामा रक्तदान कार्यक्रम गरिएको हो ।
नेपाल रेडक्रस सोसाइटी झापाको प्राविधिक सहयोगमा सम्पन्न रक्तदानमा ५ जना महिला सहित ४५ जनाले रक्तदान गरेका थिए ।
समूहका अध्यक्ष बालकृष्ण ढुङ्गानको सभापतित्व तथा मेचीनगर रेडक्रस सोसाइटी उपशाखाकी सभापति कुसुम कोइरालाको प्रमुख आतिथ्यतामा सम्पन्न कार्यक्रममा मेचीनगर ७ का वडा अध्यक्ष चन्दन मेचे, मेचीनगर ८ का वडा अध्यक्ष विकेन्द्र धिमाल, वडा नम्बर ५ का वडा अध्यक्ष योगेन थापा, नेपाली कांग्रेसका क्षेत्रीय सचिव हरि बुढाथोकी, खड्ग धिमाल, एभरेष्ट बोडिङ स्कुलका प्रिन्सिपल बिनोद बुढाथोकी, वडा नम्बर ७ का वडा सदस्य तिलक खड्का लगायतले बोलेका थिए । महासचिव राजिप गिरीले स्वागत तथा कार्यक्रमको चौचित्य माथि प्रकाश पारेका थिए भने सचिव राम मगरले सञ्चालन गरेका थिए । 
