देबु बानियाँ
महेन्द्रनगर । महेन्द्रनगर जेसीज कञ्चनपुर र अत्यरिया जेसीज कैलालीले नेपाल जेसीजका राष्ट्रिय अध्यक्ष जेसीआई सिनेटर श्रीधर बस्याललाई भव्य स्वागत तथा सम्मान गरेका छन् ।
पश्चिम शाखाकाहरुको भ्रमणका क्रममा शुत्रवार डढेलधुराबाट यहाँ आइपुगेका बस्यालाई यी दुई वटा शाखाले भव्य स्वागत गरेका थिए । साथै कार्यक्रममा स्थानीय शाखाहरुको संस्थागत विकासका लागि अन्तरक्रिया समेत गरिएको थियो । शाखालाई चलयमानसँगै सामाजिक क्षेत्रमा सकारात्मक प्रभाव पार्नका लागि जेसीजले खेल्नु पर्ने भूमिकाका विषयमा अन्तक्रिया गरिएको महेन्द्रनगर जेसीजका अध्यक्ष अमरबहादुर चन्दले बताउनु भयो । कार्यक्रममा अध्यक्ष बस्यालले एरिया डि का शाखाहरुको अवलोकनले आफुलाई उत्साहित बनाएको बताउँदै सामाजिक, आर्थिक र व्यक्तित्व विकासका लागि सधैँ क्रियाशील हुन आग्रह गर्नु भयो । कार्यक्रममा राष्ट्रिय उपाध्यक्ष टेकराज रेग्मी, महिला संयोजक एकता जिसी, शाखाका पूर्व अध्यक्षहरु, पदाधिकारीहरु तथा विभिन्न व्यक्तिहरुको उल्लेखीय सहभागिता रहेको थियो ।
शनिवार बिहान धनगढी जेसीजले आयोजना गर्ने कार्यक्रममा सहभागि भएर एक साताको भ्रमणपछि अध्यक्ष बस्याल काठमाडौँ फर्कने कार्यक्रम रहेको छ ।
