७ वैशाख २०७५
पथरी, मोरङ
मोङको पथरीशनिश्चरे वडा नं. ५ र ६ का युवाहरुले हसन्दह नाट्य समाजको गठन गरेका छन् । आज संयुक्त वडा कार्यालयमा भेला भएका युवाहरुले कल्पना मिश्रको अध्यक्षतामा ९ सदसीय तदर्थ समितिको गठन गरेको हो । समितिमा क्रमशः उपाध्यक्षमा अनिता गौतम, सचिवमा दिपेश प्रसाइ, सह सचिवमा संजय महतो कोषाध्यक्षमा किरण पाश्वानलाई चयन गरेको छ ।
समितिले समाजका कुरीति र अन्धविश्वासका विषयमा जनचेतनामूलक ढङ्गबाट नाटक प्रस्तुत गर्ने र समाजलाई परिवर्तन गर्ने उद्देश्य राखेको छ । हसन्दहका समपूर्ण नाटक प्रेमीहरुका लागि यसले थप एकताबद्ध हुने बाटो खुलाएको अध्यक्ष मिश्रले बताइन् । समितिले चाडैँ नै दर्ता गरी कार्यक्रमहरुलाई अगाडी बढाउने तयारी गरिएको छ ।
