काठमाडौं, ८ बैशाख । नेपाली कांग्रेसको केन्द्रिय कार्यसमिति बैठक भोलि विहान ११ बजेबाट सुरु हुँदैछ ।
उक्त बैठकले निर्वाचनमा पार्टीले व्यहोरेको पराजयको बारेमा गम्भिर समिक्षा गर्नुको साथसाथै रिक्त रहेका पदाधिकारीहरुको समेत मनोनित गर्ने आन्तरिक तयारी भइरहेको छ ।
सभापति शेरबहादुर देउवाले पदाधिकारी नियुक्त गर्ने तयारी समेत अघि बढाईसकेका छन् । शभापति देउवाले चाडै नै पदाधिकारी मनोनयनको प्रस्ताव पेश गर्नेछन् ।
यदि केही दिन ढिलाई भएपनि उनले पदाधिकारी मनोनित गर्ने तयारी अन्तिम चरणमा पुर्याएइको स्रोतको दाबी छ ।
देउवाले उपसभापतिमा विजयकुमार गच्छदारलाई मनोनित गर्ने तयारी थालेका छन् । अर्का नेता गोपालमान श्रेष्ठ र विमलेन्द्र निधिपनि उपसभापतिका दाबेदार हुन् । निधिले भारतिय दुतावासको दबाव समेत दिएकाले देउवा समेत सकसमा परेकाछन् ।
तर, सभापति देउवाले निधिलाई पत्याउने सम्भावना धेरै कम छ । निधिभन्दा गच्छदार नै आफूप्रति जिम्मेवार भएको पाएकाले देउवाले उक्त निर्णय गराउन बरिष्ठ नेता रामचन्द्र पौडेल र महामन्त्री शसांक कोइरालाको पनि साथ र सहयोग पाईसके एक नेताले बताए ।
पौडेललेपनि गच्छदारलाई नै उपसभापति बनाउनुपर्ने अडान लिएका छन् । त्यसैले पनि गच्छदार उपसभापतिका बलिया उमेदवार हुन् ।
उपसभापतिका लागि प्रभावशाली नेता खुमबहादुर खड्काको दावेदार रहदैँ आएकोमा खड्काको गत चैत्र १६ गते स्वर्गारोहण भएपछि उक्त पदमा अन्य नेताहरुको रस्साकस्सी बढेको हो ।
