झापा । केन्द्रमा पार्टी एकीकरण गर्न अलमलिरहेको अवस्थामा झापा मेचीनगरमा भने दवाव मुलक कार्यक्रम सुरु गरिएको छ ।
नेपाल कम्युनिस्ट पार्टीको स्थापना र लेनिन दिवसको अवसर पारेर मेचीनगर २ र १० नम्बर वडामा फरक फरक कार्यक्रमको आयोजना गरिएको हो ।
पार्टी एकता समायोजन समिति वडा नम्बर २ को आयोजनामा भएको कार्यक्रममा बोल्ने वक्ताहरुले विश्वको चासोको विषयका रुपमा रहेको बाम गठबन्धन तुरुन्त एकिकरण गर्नु पर्ने बताएका थिए । एकिकरण गर्न ढिलाइ गरेर जनतामा शंका रहने ठाउँ नराख्न आग्रह गरेका थिए ।
कार्यक्रमका प्रमुख अतिथि एमाले जिल्ला सदस्य निलकण्ठ तिवारीको प्रमुख आथित्यतामा सम्पन्न कार्यक्रममा विशेष अतिथि युवा संघ नेपालका केन्द्रीय सचिव राजु कार्की, एमाओवादीका नेता पुष्प गुरगाईलगायतले बोलेका थिए ।
युवा संघ प्रदेश कमिटि सदस्य दीपक बरालले स्वागत गरेको कार्यक्रमको सञ्चालन उत्तम सिठुङले गरेका थिए । कार्यक्रम भानु ढुंगेलको अध्यक्षतामा सम्पन्न भएको थियो ।
यहि अवसर पारेर मेचीनगर नगरपालिकाको वडा नं. १० मा एमाले र माओबादी वडा कमिटिविच एकिकरण गरिएको हो ।
प्रकाश खड्काको संयोजकत्वमा ७७ सदस्यीय नयाँ कमिटी घोषणा गरिएको थियो । खड्का यस अघि नेकपा एमाले मेचीनगर वडा नं. १० का अध्यक्ष थिए । धुलावारीमा आयोजित कार्यक्रममा बजार र्याली, कोणसभा तथा पत्रकार सम्मेलनसहित पार्टी एकिकरणको घोषणा गरेका थिए ।
