झापा । कक्षा ८ को जिल्लास्तरीय परीक्षामा हिमालयन इङ्लिस एकाडेमी मेचीतगर १० धुलावारी अवन्तिका पौडेलले जिल्लामा उत्कृष्ट अंक प्राप्त गरेकी छिन् ।
हालै प्रकाशन भएको परीक्षफल अनुसार पौडेलले जीपीए ४ दशमलव शुन्य अंक प्राप्त गरी जिल्लामा उत्कृष्ट नतिजा ल्याएकी हुन् ।
कक्षा नर्सरीदेखि प्रथम स्थान हासिल गर्दै आएकी पौडेल अत्यन्तै मेधावी छात्रा हुन् ।
बुबा लेखनाथ पौडेल (केशव) र आमा रेखा पौडेलकी एक्ली छोरी उनी विद्यालयका अन्य गतिविधिमा पनि उत्तिकै क्रियाशील छिन् । विद्यालयका निर्देशक दीपक भण्डारले उनको प्रतिभाको कदर गर्दै थप शैक्षिक सफलता प्राप्त गर्न शुभकामना दिए । साथै परीक्षमा सहभागि सबै विद्यार्थीहरुले उत्कृष्ट अंकका साथ उतीण गरेको भण्डारीले बताए । छोटो समयको अवधीमा हिमालयन मेचीनगरको उत्कृष्ट विद्यालयको रुपमा स्थापित बनेको छ । 
