देबु बानियाँ
दाङ । दाङ महिला जेसीजले आयोजना गरेको कुर्सी दौड प्रतियोगितामा उमा सुवेदी प्रथम भएकी छिन् । दाङ लेडी जेसीजको सप्ताह कार्यक्रम अन्तरगत तेस्रो दिनको कार्यक्रममा कुर्सी दौड आयोजना गरिएको हो । सुवेदी दाङ जेसीजकी उपाध्यक्ष हुन् । प्रतियोगितामा कार्यकारी उपाध्यक्ष शारदा घर्ती दोस्रो, लमही नगर जेसीजका फणाधार ढकालले चौथो र तुलसीपुर नगर जेसीजका अध्यक्ष दिपेश भण्डारीले सान्तवना भएका छन् ।
बिजेता प्रतियोगिहरुलाई आर्कषक पुरस्कार समेतको व्यवस्था गरिएको थियो
दाङ महिला जेसीजका अध्यक्ष डोमा पाण्डेको अध्यक्षता तथा दाङ जिल्ला खेलकुद बिकास समितिका सदस्य तिलक रावतको प्रमुख आतिथ्यमा सम्पन्न कार्यक्रममा दाङ फुटबल संघका सचिब नरेन्द्र पुन, त्रिभुवननगर जेसीजका अध्यक्ष लालमणी भण्डारी, नेपाल जेसिजका पूर्व राष्ट्रिय उपाध्यक्ष बिणा बि.सी., लमही नगर जेसीजका अध्यक्ष खेमराज घिमिरे, तुलसीपुर नगर जेसीजका अध्यक्ष दिपेश भण्डारी, दाङ महिला जेसीजका कार्यकारिणी उपाध्यक्ष बिष्णु थापालगायतले कार्यक्रममा बोल्नुभएको थियो ।
कुर्सी दौड कार्यक्रमका संयोजक उमा सुबेदीको स्वागत तथा मंगला राणाले आस्थापाठ गरेको कार्यक्रमको सञ्चालन महासचिव ममता बिष्टले गर्नु भएको थियो । 
