उर्लाबारी । राष्ट्रनिर्माण सेकेण्डरी बोर्डिङ स्कुलमा कक्षा १० मा अध्ययरत आयुसा राना मगरले आफुलाई नृत्यमा अब्बल सावित गरेकी छिन् । नृत्यमा अरुको भन्दा भिन्नै प्रस्तुति दिनमा उनी खप्पिस छिन् । नृत्यका हरेक विधामा उनी पारंगत छिन् ।
रतुमावाईमा हालै सम्पन्न भएको रतुवामाई आइडलमा झण्डैं सय बढि प्रतिस्पर्धीलाई पछि पार्दै उनले आईडलको उपाधि चुमिन् । पहिलो चरणबाट नै सम्पूर्ण दर्शकहरुको नजरमा परिसकेकी आयुसाले फाईनल राउण्डमा पनि दमदार प्रस्तुति दिईन् । चोली अलि छोटो बोलको गीतमा नृत्य गरेकी आयुसाको नृत्य हेर्ने जो कोहि मोहित भएका थिए । आयुसाले आफ्नो नृत्यबाट निकै प्रशंसा र तारिफ पनि पाईन् । आइडलको उपाधिसँगै उनले २० हजार नगद सहित आकर्षक गिफ्ट ह्याम्पर प्राप्त गरेकी छिन् ।
रेडियो टिभिमा बजेको गीतमा घरमै नाँच्ने उनको सानैदेखी नृत्यमा एकदमै रुचि थियो । राष्ट्रनिर्माणमा डाँन्स टिचर रेवत मगरको प्रशिक्षणले उनको प्रतिभा अझ खारियो । र उनले फड्को मार्दै गईन् । आयुसाले अन्य विभिन्न प्रतियोगितामा पनि सहभागीभई आफु र विद्यालयको नाम राखिसकेकी छिन् ।
रतुवामाई वडा नम्बर १० की १६ वर्षीय आयुसालाई राष्ट्रनिर्माण बोर्डिङ स्कुलका प्रिन्सिपल विश्वास ढकाल सम्भावना बोकेकी कलाकारको उपमा दिनुहुन्छ । नृत्यमा अब्बल छिन्, निरन्तरता दिईरह्यो भने आयुसा एकदिन यो क्षेत्रको मात्र नभएर देशकै आइडल हुने विश्वास लिएको छु । 
नृत्यमा र गायनमा रुचि हुनेहरुका लागि स्कुलले विषयगत टिचर पनि राखेको प्रिसिन्सपल ढकालले बताए ।
नृत्यमा अब्बल क्षमता भएकी आयुसा विजेता बनेसँगै अझै हौसिएकी छिन् । उनी यही क्षेत्रमा केही गर्न सकिन्छ भन्ने उत्साहकासाथ अगाडी बढ्ने तयारीमा छिन् । यो सफलतालाई उनी मेहनतको फल भन्छिन् । यद्यपि, एईई परिक्षाको दिनपर्ने बर्ष भएकोले उनी एक बर्ष अध्ययनमा अलि जोडतोडले लाग्दैछिन् । अब एकबर्ष एईई परिक्षाको तयारीमा अलि बढि समय दिन्छु, आयुसाले भनिन्, त्यसपछि त नृत्यमै केहि गर्ने लक्ष्य त छदैछ । यो क्षेत्रमा केहि गर्ने उनमा आत्मविश्वास छ । किनकी उनलाई बुबा बिनु राना र आमा गीता रानाको पुरा सर्पोट छ ।
मेरो नृत्य हेरेर मैले पुरस्कार जित्दा बुबा आमा निक्कै खुशी हुनुहुन्छ, आयुसा भन्छिन्, स्कुलले पनि मैले पुरस्कार जित्दा बुबा आमालाई सम्मान गर्यो । जसले गर्दा यसमा आफूलाई कलाकारितामा केही गर्ने उर्जा मिलेको छ ।
यही क्षेत्रमा निरन्तरत अगाडी बढ्ने र मेहनत गर्दै जाने योजनामा रहेको उनको भनाई छ । ‘यो मेरो मेहनतको फल हो, यो सफलताले मलाई झनै उर्जा थपेको छ’ उनले भनिन् ‘ अब निरन्तर अगाडी बढ्नेछु । यही क्षेत्रमा केही गर्छु भन्ने विश्वास जागेको छ ।’
यसरी विजयी हुनुमा घरपरिवारको साथ, गुरुहरुको सद्भाव, माया र उत्प्रेरणा, साथीहरुको सहयोग भएको उनको भनाई छ । साथै उनले स्टेच दिएर आफूलाई विजयी हुदाँसम्म साथ दिने आयोजक इटहरा एकता क्लवलाई धन्यवाद दिईन् ।
‘यहाँसम्म आईपुग्नकालागि मलाई सहयोग गर्ने सम्पूर्णलाई सम्झेको छु, खुसीको पलमा सबैलाई सम्झीरहेको छु’ उनले भनिन् ‘आयोजक, घरपरिवार, साथीसंगी, स्कुल परिवार, साथीहरु, डान्स गुरुसँगै मलाई यहाँसम्म आईपुग्न सहयोग गर्ने सम्पूर्णप्रति म आभारी छु ।’ आयुसाका बुवा बिनु रानाले छोरीले आमाबाबुको इज्जत र नाम राख्ने काम गरेको बताए ।
मेरो छोरीको मेहेनत र अनि राष्टनिर्माण स्कुलको श्रेयले आज छोरीले रतुमाईमा नै नृत्यमा टप प्रतिभा भनेर सावित गरिदिएकी छिन्,बुवा बिनु भन्छन्, उनको प्रतिभा प्रस्फुटनमा हामी जस्तोसकुै मुल्य चुकाउन तयार छौ ।
तेजन खड्का
