बिर्तामोड । नेकपा एमालेनिकट युवा संघ नेपाल झापा जिल्ला कमिटीको अध्यक्षमा शम्भू भण्डारी मनोनित भएका छन् ।
तत्कालीन झापा अध्यक्ष त्रिलोचन सापकोटा हालै केन्द्रीय सदस्यमा मनोनित भएपछि जिल्ला कमिटीको शनिवार सम्पन्न भेला पुनर्गठन भएको हो । बिर्तामोडस्थित एमाले पार्टी कार्यालयमा भएको भेलाले जिल्ला उपाध्यक्षमा तत्कालीन सचिव नविन इजम, सचिवमा तत्कालीन सहसचिव सुमन थापा, सहसचिवमा तत्कालीन कोषाध्यक्ष विकास गिरी र कोषाध्यक्षमा तत्कालीन सचिवालय सदस्य सागर पोर्तेल चयन भएका छन् । जिल्ला कमिटी सदस्यहरु भने यथावत रहेका छन् ।
त्यस्तै, १ नम्बर क्षेत्रीय इन्चार्जमा राजु धिमाल, २ नम्बर क्षेत्रीय इन्चार्जमा दिपक दुलाल, ३ नम्बर क्षेत्रीय इन्चार्जमा हर्क तामाङ, ४ नम्बर क्षेत्रीय इन्चार्जमा अग्नि कार्की र ५ नम्बर क्षेत्रीय इन्चार्जमा तीर्थ नेपाल चयन भएका छन् ।
