धनगढी । धनगढी जेसीजको आयोजनामा बैशाख १७ गते सोमवार बृहत साहित्यक महोत्सव हुने भएको छ ।
होटल डिभोटीमा हुने उक्त साहित्यक महोत्सवमा देशका ख्यातीप्राप्त लेखक, साहित्यकार, कलाकार तथा पत्रकारहरुको सहभागिता रहने धनगढी जेसीजका अध्यक्ष यज्ञराज ओझाले बताउनु भयो । कार्यक्रम संयोजक दिनु भएको जानकारी अनुसार बरिष्ठ कलाकार मदनकृष्ण श्रेष्ठ, लेखक नयनराज पाण्डे, महेशविक्रम शाह, हरिबहादुर थापा, अमर न्यौपाने, युग पाठक, र शिवानीसिंह थारुको बृहत सहभागितामा साहित्यक महोत्सव हुन लागेको हो ।
फाइनप्रिन्ट फिभरको संयोजकत्वमा हुने उक्त महोत्सव बिहान ११ बजेबाट बेलुका ५ बजेसम्म सञ्चालन हुनेछ । महोत्सवमा साहित्यक विषयमा आधारति रहेर अन्तक्रिया तथा परामर्श गरिने अध्यक्ष यज्ञराज ओझाले बताउनु भयो ।
