झापा । १२९ औँ अन्तरािष्ट्रय श्रमिक दिवसको अवसर पारेर वीरता लेडी जेसीजले महिला इ रिक्सा चालक शान्ता राईलाई सम्मान गरेको छ । राईलाई विर्तामोडमा आयोजित एक कार्यक्रमकाबिच नगदसहित सम्मान गरिएको हो ।
यसैगरी जेसीजले ट्राफिक नियम तथा महिला हिंसा विरुद्ध जनचेतनामूलक कार्यक्रम र अन्तरक्रिया समेत गरेको थियो ।
शाखा अध्यक्ष नम्रता रिजालको सभापतित्व तथा नेपाल महिला संघ झापाकी अध्यक्ष सुशिला ढकालको प्रमुख आतिथ्यतामा सम्पन्न कार्यक्रममा विशेष अतिथि ट्राफिक प्रहरी कार्यालय झापाका सइ कालिदास रेग्मी, अधिवक्त लक्ष्मी खनाल, शाखाका पूर्व अध्यक्षलगायतको सहभागिता रहेको थियो । कार्यक्रम संयोजक युनिता दवाडीले स्वागत गरेको कार्यक्रमसंगीता गिरीले आस्था वाचन तथा महासचिव सरु खनालले सञ्चालन गर्नु भएको थियो ।
यसैगरी, भद्रपुर जेसीजको आयोजनामा ५ दिने उद्घोषण तालिम सुरु भएको छ । भद्रपुर नगरपालिकाको आर्थिक सहयोगमा सुरु तालिममा नेपाल जेसीजका प्रशिक्षक कैलाश खाकीले सहजीकरण गर्नेछन् । जिल्ला समन्वय समितिको सहभाहलमा सुरु तालिममा ५० जना भन्दा धेरैको सहभागिता रहेको छ । शाखा अध्यक्ष सोम ढुङ्गेलको सभापतित्वमा भएको तालिमको उद्घाटन भद्रपुर नगरका प्रमुख जीवन श्रेष्ठले गर्नुभएको थियो ।
