दमक । रुपन्देही ११ लाई ट्राइबेकरमा पराजित गर्दै आयोजक दमक ११ मोसफलकै सर्वा्धिक राशीको दमक गोल्डकप फुटबल प्रतियोगिताकाको दोश्रो चरणमा प्रबेश गरेको छ । निर्धारित समयसम्म दुवै टिमबाट १।१ गोलको बराबरी भएपछि खेलको निर्णयको लागि सिदै ट्राईबेकरमा लगिएको थियो । ट्राइबेकरमा दमकले रुपन्देहिलाई ४-३ ले हराउदै आफ्नो जित दर्ता गरेको हो ।
निर्धारित समयमा भने आयोजक दमकका विकेश लिम्बुले २७ औ मिनेटमा र ८१ औ मिनेटमा रुपन्देहिका नितिन थापाले गोल गर्दै खेल बराबरी बनाएका थिए । दुवै टिमले थुप्रै गोल गर्ने अवसरहरु पाएपनि सदुपयोग गर्न सकेनन । आजको खेलको म्यान अफ द म्याच आयोजकका गोल रक्षक विकास माझी घोषित हुदै नगद ११ हजार रुपैँया प्राप्त गर्न सफल हुनुभयो ।
यसअघि हिजो भएको उद्घाटन खेलमा मदन भण्डारी स्पोर्टस् एकाडेमी विजयी भएको थियो । मदन भण्डारी स्पोर्टस् एकाडेमीले घरेलु टोलि रमपम झापा ११ लाई ४।० ले पराजित गर्दै विजयी शुरुवात गरेको हो ।
प्रतियोगिताको विजेताले नगद रु १३ लाख ११ हजार र उपविजेताले नगद रु ६ लाखसहित ट्रफि तथा प्रमाणपत्र पाउने छन् । प्रतियोगितामा आयोजक सहित १० वटा टिमको सहभागिता रहेको छ । यसैगरि भोलि शसस्त्र प्रहरी र मदन भण्डारी स्पोर्टस् एकाडेमी बिच पहिलो क्वाटरफाइनल खेल हुने आयोजकले जनाएको छ ।
