धनकुटा । धनकुटाको चौविसे गाउँपालिका राजारानीमा चण्डिपुर्णिमा साँङ्गितिक साँझको अन्तिम दिन चर्चित गायिका मेलिना राई तथा गायक देबेन चेम्जोङले आकर्षक प्रस्तुति दिँदै दर्शकहरुलाई भरपुर मनोरञ्जन दिलाएका छन् । अरु दिन भन्दा निक्कै दर्शकहरुको सहभागीता रहेको कार्यक्रममा मेलिनाले ‘तिमिले बाटो फेर्याै अरे ’ ‘कम्मर माथि पटुकी’ लगायतका चर्चित गित गाँउदा दर्शकदिर्घाले स्वरमा स्वर थपे । उनको प्रस्तुतिमा दर्शकहरु कुनै गीतमा छमछमि नाँचेका थिए भने कुनै गीतमा निक्कै भावुक भए । गायक देबेन चेम्जोङको प्रस्तुति पनि निक्कै आकर्षक रह्यो । 
आफ्नो जन्मथलोमा ‘आमाको काखमा खेलको’ ,‘खाइयो दुइचार बोत्तल’,आजको दिन रमाइलो गरौन एकै छिन जस्ता गितले दर्सकहरुलाई जुरुक जुरुक उचालेको थियो । कार्यक्रममा डाँन्स सेन्टर धरानको पनि प्रस्तुति जोडदार प्रस्तुति रहेको थियो । 
