दमक | आज आइतबार नेपाल प्रहरी र थ्री स्टार बिच तेस्रो क्वाटरफाइनल खेल हुने भएको छ ।
शनिबार भएको दोश्रो क्वाटरफाइनलमा आयोजक दमक ११ लाई ६-० ले हराउदै नेपाल आर्मी दमक गोल्डकपको सेमीफाइनलमा प्रबेश गरिसकेको छ ।
आज हुदै गरेको पोल ए अन्तर्गतको तेस्रो क्वाटरफाइनलको बिजेताले सेमीफाइनलमा शसस्त्रको एपीएफ संग खेल्नु पर्ने छ ।एपीएफले क्वाटरफाइनलमा पुर्वको चर्चित टिम झापा ११ लाई हराएर आएको मदन भण्डारी एकाडेमीलाई हराएर सेमीफाइनलको यात्रा तय पक्का गरेको हो ।
स्मरण रहोस केहि दिन पहिला इलाममा आयोजित चौथो अन्तरराष्ट्रिय आमन्त्रण माइभ्याली गोल्डकप फुटबल प्रतियोगिताको बिजेता थ्रीस्टार क्लब भएको थियो ।
जम्मा १२ टिम सहभागी रहेको प्रतियोगिता बैशाख २८ गते सम्म चल्ने दमक गोल्डकपको विजेताले नगद रु १३ लाख ११ हजार र उपविजेताले नगद रु ६ लाखसहित ट्रफि तथा प्रमाणपत्र पाउने छन् ।
