दमक, बैशाख २३
झापाको दमकमा जारी दमक गोल्डकपको आईतबारकोे खेलमा नेपाल पुलिस क्लबले थ्रीस्टार क्लबमाथि संघर्षपूर्ण जीत निकालेको छ । पुलिसले थ्रीस्टारलाई एक शुन्यले हराएको हो ।
खेलको पहिलो हाफ गोल रहित वरावरीमा सकिएको थियो । दोश्रो हाफमा पुलिसका जर्सी नं. ८ का अभिशेक रिजालले गरेको गोलनै खेलको निर्णयक बन्यो । सो पछि समेत पुलिसले गोलका मौका पाए पनि सदुपयोग गर्न सकेन । थ्रीस्टारले पनि गोल गर्ने केहि मौका चुकाएको थियो ।
खेलमा विजेता पुलिसका किरण चेम्जोङ् म्यान अफ द म्याच घोषित भए । उनले नगद ११ हजार रुपैया प्राप्त गरे ।
बैशाख २८ गतेसम्म चल्ने प्रतियोगितामा १० टिमको सहभागीता रहेको प्रचारप्रसार संयोजक चन्द्र खत्रीले बताए ।
गोल्डकपको विजेताले नगद १३ लाख ११ हजार तथा उपविजेताले ६ लाख रुपैया प्राप्त गर्ने छ । गोल्डकपमा सोमबार सरस्वती क्लब र मनाङ् मस्र्याङ्दी विच प्रतियोगीता हुने खेल संयोजक भिमराज केसीले जानकारी दिएका छन् । गोल्डकप दमक नगरपालिका, नगरखेलकुद विकास समितिले आयोजना गरेको हो ।
