२०७५ बैशाख २३ आइतवार- By:Ratokalam
काठमाडौं । सानो पूँजीबाट झोल ममको व्यवसाय सुरु गरेका नबराज ढकालले मनग्य आम्दानी गरिरहेका छन् । रातोपुलमा झोल ममको परिकल्पना गरेर सुरु गरेका ढकाल ममबाट अहिले सफल व्यवसायीको रुपमा परिचित पनि बनेका छन् । ममबारे धेरै खोज अनुसन्धान गरेका उनले सुरुका दिनमा राम्रो टेष्ट दिनका लागि सय वटा भन्दा बढि पसलमा मम खाएका छन् । तर त्यहा भन्दा भिन्न र मिठो टेस्ट दिन लागेका उनको झोल मम छोटो समयमा नै ग्राहकको ज्रिवोमा मिठो स्वाद बन्यो ।
र यतिवेला झोल मम ग्राहकलाई दिन उनलाई भ्याई नभ्याई छ । बोसो रहितको झोल मम दिएका उनले ग्राहकबाट धन्यवाद पनि पाएका छन् । मिठो मम खुवाउनुभयो भन्दै ग्राहकहरु खुशी भएर जानुहुन्छ,ढकालले भने ।
उनले हाल दैनिक ३ सय प्लेट मम बेच्ने गरेको बताउछन् । अहिले उनको ममको स्वाद बजारभरि फैलिने क्रममा छ । उनको शाखाका रुपमा बिभिन्न ठाउँमा खुल्ने क्रम छ । उनले थुप्रैजनालाई रोजगारी पनि दिएका छन् । वैदेशिक रोजगारी गएर काम गरेपनि सोचे जस्तो आम्दानी नभएपछि उनले स्वदेशमै मेहनत परिश्रम गरिरहेका हुन् । नबराज भन्छन्‘मेहेनत गरे स्वदेशमै कमाउन सकिने रैछ । ’तर अथक परिश्रम भने चाहिन्छ ।
