दमक । दमकमा जारी दमक गोल्डकप नकआउट फुटबल प्रतियोगिताको अन्तिम क्वाटरफाइनलमा आज दावेदार मनाङ मस्र्याङ्दी क्लब र सरस्वती युथ क्लब भिड्दै छन् ।
दमकस्थित दमक बहुमुखी क्याम्पसमा दिनको ३ बजेदेखि शुरु हुने आजको खेलपछि सेमिफाइनल समिकरण समेत पूरा हुनेछ । बाई पाएर सोझै क्वाटरफाइनलमा भिड्न लागेका मनाङ र सरस्वतीबीचको विजेता टोलीले बुधबार दोस्रो सेमिफाइनलमा त्रिभुवन आर्मी क्लबको सामना गर्नेछ ।
गत सिजन खासै ठोस प्रदर्शन गर्न नसकेको मनाङले यस सिजन उत्कृष्ट प्रदर्शन गर्ने विश्वास लिएको छ । उता सरस्वती पनि काठमाडौं कै क्लब भएकोले उसले पनि ए डिभिजन स्तरीय खेलाडी नै उतार्ने र मनाङलाई कडा चुनौति पेश गर्ने अनुमान गरिएको छ ।
के मनाङले जितका साथ प्रतियोगिताको शुरुवात गर्ला त ? कति होला त आजको नतिजा ?
