विर्तामोड । धेरैले आफ्नो वैवाहिक वर्षगाँठमा घुम्न जान्छन् । रमाइलो गर्छन । तर, भद्रपुरका रमेशप्रसाद पोखरेलले आफ्नो विवाहको वर्षगाँठमा नेपाल पत्रकार महासंघ झापाद्धारा सञ्चालित पत्रकार उपचार कोषलाई सहयोग गरेका छन् ।
पोखरेलले विवाह भएको २५ वर्षको अवसर पारेर सोमवार विहान नेपाल पत्रकार उपचार कोषलाई २५ हजार रुपैयाँ सहयोग गरेका हुन् । पोखरेलको २५ वर्ष अघि बिमला घिमिरेसँग विवाह भएको थियो । 
सामाजिक क्षेत्रमा क्रियाशील पोखरेल भद्रपुर जेसीजका पूर्व अध्यक्ष, जेसीज पूर्व अध्यक्ष झापाका उपाध्यक्ष, नेपाली कांग्रेस क्षेत्र नम्बर १ का सचिव हुन् । पोखरेल लेखापढी व्यवसायी हुन् । लेखापढी व्यवसायीका जिल्ला अध्यक्ष हुँदै हाल उनी केन्द्रीय सदस्य छन् । उनी दर्जनौँ सामाजिक संघ संस्थामा आवद्ध छन् ।
विर्तामोडमा आयोजित कार्यक्रममा पोखरेलले नेपाल पत्रकार महासंघ झापाका उपाध्यक्ष एकराज गिरी, सहसचिव केवश भट्टराईलाई हस्तान्तरण गरेका थिए । कार्यक्रममा वीरता जेसीजका संस्थापक अध्यक्ष गोपाल बस्नेत, विर्तामोड उद्योग वाणिज्य संघका अध्यक्ष कुमार भट्टराई, वीरता लेडी जेसीजकी निवर्तमान अध्यक्ष नैनाकला भट्टराईलगायत सञ्चारकर्मीहरुको सहभागिता रहेको थियो । 
