दमक | झापाको दमकमा जारी दमक गोल्डकपको पहिलो सेमिफाइनल आज मंगलबार प्रहरीका दुई विभागीय टिम नेपाल पुलिस क्लब र सशस्त्र प्रहरीको एपीएफबीच प्रतिस्पर्धा हुने भएको छ ।
गत आइतबार भएको तेस्रो क्वाटरफाइनलमा नेपाल प्रहरीले थ्रीस्टारलाई १-० ले हराउदै सेमीफाइनलमा प्रबेश गरेको थियो भने मदनभण्डारी स्पोर्टस् एकाडेमीलाई ३-१ ले पराजित गर्दै एपीएफले सेमीफाइनलको यात्रा तय गरेको थियो ।
जम्मा १० टिम सहभागी रहेको प्रतियोगिता बैशाख २८ गते सम्म चल्ने छ भने दमक गोल्डकपको विजेताले नगद रु १३ लाख ११ हजार र उपविजेताले नगद रु ६ लाखसहित ट्रफि तथा प्रमाणपत्र पाउने छन् ।
प्रतियोगिताको दोश्रो सेमिफाइनल बुधबार मनाङ मस्र्याङ्दी क्लब र नेपाल आर्मी बीच हुने गोल्डकप प्रचारप्रसार समितिका संयोजक चन्द्र खत्रीले जानकारी दिएका छन् ।
