काठमाडौँ । गृहमन्त्रालयले १६ जना वरिष्ठ प्रहरी उपरीक्षक (एसएसपी)लाई डिआइजीमा बढुवा सिफारिस गरेको छ । मन्त्रालयको सोमबार बसेको बढुवा समितिले यस्तो निर्णय गरेको हो । प्रहरी नियमावली २०७१ (संसोधन सहित)को नियम २७ उपनियम ४ को प्रावधान अनुसार बढुवा सिफारिसको निर्णय गरेको मन्त्रालयले जनाएको छ ।
बढुवा हुनेमा केदार रिजाल, शेरबहादुर बस्नेत, पिताम्बर अधिकारी, दिपक कुमार थापा, दिनेश अमात्य, नारायणसिंह खड्का, रबिन्द्र प्रसाद शर्मा, कमल बहादुर जिटी, महेन्द्र कुमार पोखरेल, महेशबिक्रम शाह, प्रेम चन्द, श्याम खड्का, दानसिंह बोहरा, सुशील कुमार भण्डारी, रामप्रसाद श्रेष्ठ र सुरज केसी रहेका छन् ।
नेपाल प्रहरीमा यस अघि २४ जना डिआइजीको पद रहेकोमा सरकारले बाँकी पद खारेज गर्दै १६ जनालाई मात्र डिआइजीमा बढुवा गरेको हो ।
