काठमाडौं, वैशाख २५ । प्रधानमन्त्री केपी शर्मा ओलीले पूर्व प्रधानमन्त्रीहरुसँग छलफल गर्दै हुनुहुन्छ । सरकारले ल्याउन लागेको बजेट, नीति तथा कार्यक्रममा सुझाव माग्न प्रधानमन्त्री ओलीले पूर्व प्रधानमन्त्रीहरुलाई सिंहदरबारमा बोलाउनु भएको हो ।
दिउँसो हुने छलफलमा सरकारले ल्याउन लागेको कार्यक्रमका विषयमा सामान्य जानकारी दिएपछि सुझाव मागिने बताइएको छ। त्यस्तै भारतीय प्रधानमन्त्री नरेन्द्र मोदीको नेपाल भ्रमण र त्यस क्रममा उठाउने एजेण्डाका विषयमा पनि प्रधानमन्त्री ओलीले पूर्व प्रधानमन्त्रीहरुसँग सुझाव माग्ने उहाँको सचिवालयले जनाएको छ । आजै सरकारका केही मन्त्रीहरुसँग पनि छलफल गर्ने तयारी छ ।
